100 باس ساۋىن سيىر   زاماناۋي تەحنولوگيامەن ساۋىلادى

شىعىس وڭىرىندە «دەلاۆال» فير­ماسىنىڭ زاماناۋي تەحنولوگياسىمەن جابدىقتالعان تاۋارلى ءسۇت فەرماسى اشىلدى. 100 باس ساۋىن سيىرعا ارنالعان فەر­مانىڭ جوباسىن ۇلان اۋدانىنىڭ ابلاكەتكا اۋىلدىق وكرۋگىندەگى «سا­عىنقۇماروۆ» شارۋا قوجالىعى جۇزەگە اسىرىپ وتىر. قاراشوقى ەلدى مەكە­نىندەگى «ساعىن­قۇماروۆ» شارۋا قوجالىعىنىڭ جەتەكشىسى مايدان ساعىنقۇماروۆتىڭ ايتۋىنشا, جاڭا فەرماعا بۇگىندە 100 باس «سيمەنتال» ءسۇتتى ساۋىن سيىرى ساتىپ الىنعان. سونداي-اق, تاۋارلى ءسۇت فەرماسىنىڭ ءارى قاراي دامۋى ءۇشىن مەملەكەت تاراپىنان قوسىمشا 55 گەكتار سۋارمالى جەر تەلىمى ءبولىندى. – بۇل تاۋارلى ءسۇت فەرماسى ءبىرىنشى كەزەكتە, مەملەكەت باسشىسى نۇرسۇلتان نازارباەۆتىڭ بەس ينستيتۋتتىق رەفورماسىن جۇزەگە اسىرۋ اياسىندا قابىلدانعان 100 ناقتى قادامىنىڭ 60-قادامىن ورىنداۋ باعىتىندا اشىلىپ وتىر, – دەدى وبلىستىق اۋىل شارۋاشىلىعى باسقارماسىنىڭ باسشىسى دۇيسەمباي سەليحانوۆ. جوبانىڭ جالپى قۇنى 117 ملن. تەڭگەنى قۇراسا, ونىڭ ىشىندە 66 ملن. تەڭگە جەكە قاراجات ەسەبىنەن, ال 51 ملن. تەڭگە «ىرىس» مەملەكەتتىك باعدارلاماسى ارقىلى الىندى. فەرمانىڭ ءونىمى جەرگىلىكتى «باگراتيون ۇلان» جشس-ءنىڭ ءسۇت وڭدەۋ زاۋىتىنا تاپسىرىلادى. دۋمان اناش, «ەگەمەن قازاقستان». شىعىس قازاقستان وبلىسى, ۇلان اۋدانى.